Në muajin dhjetor të vitit 2021 u publikuan të dhënat personale të mbi 680 mijë qytetarëve. Pas skandalit, policia arrestoi katër persona. Andi Agaraj dhe Eni Qirjako janë dy specialistët e IT te Drejtoria e Tatimeve, të cilët morën të dhënat personale për të mbi 650 mijë qytetarëve, duke ja shitur më pas dy përmbaruesve, Klodian Sota dhe Endri Ikonomi. Por pas arrestimit, Gjykata e Tiranës ka liruar 4 të arrestuarit. Ndërkohë policia ka zbardhur skemën e nxjerrjes së të dhënave personale të mijëra shqiptarëve nga dy punonjësit e Tatimeve. Ka qenë Eni Qirjako, specialistja e IT te Tatimet ajo që ka dëshmuar për skandalin, ndërsa është shprehur se kolegu Andi Agarai ia ka kërkuar të dhënat për të kryer një studim.
Eni Qirjako, specialistja e IT-së te Tatimet
Agarai ka thënë se kishte një studim master dhe Qirjako ia ka kaluar databazën në mirëbesim, pa ditur se për çfarë do t’i përdorte. Më pas, kur janë publikuar të dhënat, Agarai i ka kërkuar të formatojë kompjuterin, por Qirjako nuk e ka bërë. Ndërsa Endri Ikonomi, ka pretenduar se i ka blerë me faturë tatimore të dhënat tek Klodian Sota, pasi i duheshin për biznesin e tij, por se nuk e dinte burimin e tyre. Qirjako ka zbardhur mënyrën e nxjerrjes, ndërsa Agarai ka treguar emrat se ku i shiti.
