Banesat e përshatura për kultivimin e bimëve narkotike ose siç njiihen ndryshe ‘shtëpitë e barit’ gjithnjë e më shumë po përhapen në vendin tonë.
Gazetari Artan Hoxha për “Abc News” është shprehur se në Shqipëri janë diku tek 21 godina ku kultivohet kanabis në ambiente të mbyllura.
“Janë 21 shtëpi bari. Ka ranë në 200 euro kg e kanabisit. Dhe ka super prodhim. Janë kapur 7-10 %. Dhe kjo është problem se ka numër shumë të madh. Policia duhet të bashkëpunojë me OSHEE. Ne morëm vendim për të rritur çmimin e energjisë, këtej kultivojnë kanabis me llamba. Shumë shqiptarë bukën e prodhojnë në shtëpi. Kanë hyrë llamba që nuk harxhojnë shumë. Janë specialistë që e kanë bërë në Angli dhe pasi e kanë mësuar atje vijnë këtu.” tha Hoxha.
Vlen të përmendim që vetëm përgjatë ditës së sotme janë zbuluar nga policia 2
shtëpi bari. Prej mëngjesit të sotëm policia e shtetit në bashkëpunim me OSHEE kanë ushtruar kontrolle për evidentimin e aktivitetit të paligjshëm të kultivimit të kanabisit.
Në periferi të Tiranës sipas burimeve është konstatuar një shtëpi bari ku janë sekuestruar disa bimë narkotike. Theksojmë se Policia e Shtetit zyrtarisht nuk jep detaje pasi operacioni është ende në vijim.
Theksojmë se gjithashtu ka shumë shqiptarë që punojnë jashtë shtetit, kryesisht në Londër, në ‘shtëpi të tilla bari’.
