Senati Amerikan shpall të pafajshëm ish-presidentin e SHBA, Donald Trump. ME një diferencë prej 10 votash, Turmp I shpëtoi sërish dënimit.
Senati votoi me 57 vota për ta shpallur ish-presidentin fajtor dhe 43 jo fajtor. Meqenëse në një gjyq në Senat kërkoheshin 67 vota, ose dy të tretat për fajësimin, ish-Presidenti Trump u shpall i pafajshëm.
Është hera e dytë në 12 muaj që Trump i mbijeton një gjyqi në Senat kundër tij. Demokratët synonin që ai të mos lejohej të kandidonte përsëri për një post publik.
Ish-presidenti u largua nga Shtëpia e Bardhë më 20 janar, prandaj ishte e qartë se ngritja e akuzës për nxitje rebelimi kundër tij nuk do të përdorej dot për heqjen e tij nga detyra.
Por demokratët kishin shpresuar që, duke e shpallur atë fajtor ta mbanin atë përgjegjës për sulmin në Kapitol që la pesë të vdekur, përfshirë një oficer policie dhe të përgatisnin terrenin për ta ndaluar atë që të shërbejë përsëri në një post publik.
Kujtojmë se Republikanët e shpëtuan ish-presidentin Trump edhe në votimin e 5 shkurtit 2020, në gjyqin e mëparshëm për shpalljen e tij fajtor, kur vetëm një senator nga radhët e tyre, Mitt Romney, votoi për fajësmin dhe heqjen e tij nga posti.
Trump, 74 vjeç, vazhdon të mbajë nën kontroll partinë e tij me kredon populiste të djathtë dhe mesazhin “Amerika e para”. Ai ka shqyrtuar mundësinë për të kandiduar përsëri për president në vitin 2024.
