Një ngjarje e rëndë është shënuar në Vlorë, ku policia ka arrestuar një 40-vjeçar të dyshuar për abuzim me një të mitur dhe për nxitje në përdorimin e lëndëve narkotike.
Sipas autoriteteve, ngjarja ka ndodhur më 22 mars 2025. I arrestuari, shtetasi R. R., 40 vjeç, banues në Vlorë, akuzohet për veprat penale “Marrëdhënie seksuale ose homoseksuale me të mitura” dhe “Nxitja për përdorimin e drogës”.
Policia vijon hetimet për të zbardhur rrethanat e plota të ngjarjes.
Njoftimi:
Vlorë
Specialistët e Seksionit për Hetimin e Narkotikëve të DVP Vlorë ndaluan shtetasin R. R., 40 vjeç, banues në Vlorë, për veprat penale “Marrëdhënia seksuale ose homoseksuale me të mitura” dhe “Nxitja për përdorimin e drogës”, pasi më datë 22.03.2025 dyshohet se ka kryer marrëdhënie seksuale me një 15-vjeçare.
Gjithashtu, shtetasi R. R. dyshohet se në bashkëpunim me shtetasin F. Q., 33 vjeç (për të cilin ka nisur procedimi penal për veprën penale “Nxitja për përdorimin e drogës”), ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike.
Veprimet procedurale për këtë rast janë kryer në prani të prindërve të shtetaseve të mitura, psikologes së DVP Vlorë dhe mbrojtësve ligjorë.
Në drejtimin e Prokurorisë vijojnë hetimet për zbardhjen e plotë të rrethanave të këtij rasti.
