Edhe në Maqedoninë e Veriut numri i të infektuarve me COVID-19 po rritet çdo ditë dhe kjo ka sjellë që qeveria të rikthejë masat kufizuese.
Gjatë një interviste për mediat vendase, ministri i Shëndtësisë, Venko Filipçe ka thënë se duke filluar nga e marta qeveria do të propozojë mbylljen e kafeneve dhe objekteve hotelerike në orën 21:00.Një propozim i tillë është pranuar dhe nga Shtabi i krizës, i cili ka diskutuar për masat e reja në vend.
Masa që kafenetë të punojnë deri në orën 21:00 vjen pas masave të miratuara për mbajtjen e maskës në hapësira të hapura dhe vetëm 4 persona të mos të jenë prezent në tavolinë në kafene.
Ndërkohë kujtojmë se kjo masë vjen për shkak të rritjes së numri të rasteve me COVID-19, pasi ditët e fundit Maqedonia e Veriut ka shënuar rekord me mbi 1.000 raste në ditë. Vetëm ditën e djeshme nga 2.449 testime janë regjistruar 865 raste të reja me koronavirus dhe kanë humbur jetën 10 pacientë.
