Fqinji ynë Mali i Zi, ka patur sërish një rritje drastike të infektimeve me Covid-19.
Sipas autoriteteve shëndetësore malazeze, në 24 orët e fundit janë shënuar 767 raste të reja me koronavirus ndërkohë që 2 persona kanë humbur jetën.
Kujtojmë se numri i përgjithshëm i të infektuarve ka shkuar këtë të martë në 19.977, mes të cilëve 322 kanë humbur jetën.
Sipas mediave malazeze, situata më e rënduar paraqitet në Podgoricë, Cetinë, Ulqin, Zhablak, Budva dhe Tivar.
Në disa qytete, përfshirë Ulqinin, të hënën u hapën sërish shkollat dhe hotelet, të cilat kanë qenë të mbyllura për dy javë për shkak masave kufizuese të ndërmarra nga Trupi Koordinues Kombëtar për koronavirusin. Por fillimi i javës ka shënuar shifra të larta të të infektuarve në Ulqin./GazetaReforma.com/
