Inspektoriati Shtetëror Shëndetësor ka gjobitur në 24 orët e fundit 8 biznese që shkelën rregullat kundër Covid-19.
Në njoftimin e ISHSH-së thuhet se janë kryer 1526 inspektime dhe monitorime gjatë ditës së fundit dhe janë vendosur 8 masa administrative për subjekte dhe individë, prej të cilave 5 janë masa administrative me gjobë, ndërsa 3 masa për pezullim aktiviteti.
Më tej në njoftim Inspektoriati u bën thirrje qytetarëve dhe subjekteve që të tregohen të kujdesshëm, duke respektuar vendimin për maskën e detyrueshme në ambientet e mbyllura, kushtet e higjenës, distancimin social dhe shmangien e grumbullimeve.
Njoftimi i plotë
🔴COVID-19
#InspektoriatiShtetërorShëndetësor me grupet e tjera të Task-Forcës #antiCOVID kanë kryer 1526 inspektime dhe monitorime në 24 orët e fundit. 👉Janë vendosur 8 masa administrative për subjekte dhe individë: 5 masa administrative me gjobë; 3 masa për pezullim aktiviteti.
▪️ Në total gjatë epidemisë janë realizuar 135.733 inspektime dhe monitorime; Janë vendosur 531 masa administrative.
📌 Ministria e #Shëndetësisë dhe Mbrojtjes Sociale fton qytetarët dhe subjektet të tregohen të kujdesshëm, duke respektuar vendimin për maskën e detyrueshme në ambientet e mbyllura, kushtet e higjenës, distancimin social dhe shmangien e grumbullimeve.
📌 #MSHMS apel për zbatimin e vendimit të ri për mbylljen e klubeve të natës, diskove dhe ndalimin e muzikës pas orës 20:00.
#RespektoRregullat
#MbroShëndetin
