Ish-kryeministri Sali Berisha nuk i ka ndalu akuzat ndaj kreut aktual të PD-së, Lulzim Basha, pasi ky i fundit e la jashtë grupit parlamentar të demokratëve. Në emsionin “Zonë e Lirë”, Berisha ka thënë se Basha është i pakorrigjueshëm dhe nuk do e dërgojë kurrë PD-në në fitore. Ish-lideri demokrat tha se PD nuk ka asnjë shpresë me një njeri që humbet dhe përsërit të njëjtat gjëra. Ai shtoi se Basha nuk është një lider, pavarësisht praktikave për ta liderizuar.
“Basha është i pakorrigjueshëm. Nuk do ta dërgojë kurrë PD në fitore. Kam punuar në ekipin që mbështeste Bashën. I kam thënë, Basha është “broken lider”, lider i thyer. S’kam thënë kurrë që Basha i ka fituar zgjedhjet, por që i ka vjedhur Rama. Një vit e gjysmë para paralajmëroi kompaninë që të ktheheshin tek normalja po mos të ecte. Më pyetën pse dhe ia tregova për marrëveshjen me Ramën. PD nuk ka asnjë shpresë me një njeri që humbet dhe përsërit të njëjtat gjëra. Patë spotin që futi Shqipërinë në NATO. I thashë mos e bëni se do t’ju përvishen mediat. E mbajtën 24 minuta gazetarët vetëm për këtë gjë. Ishin praktikë për të liderizuar një person që nuk është lider”, u shpreh Berisha.
