Agjencia e urgjencave e Zelandës së Re u ka thënë banorëve në disa zona të drejtohen për në tokë më të lartë pasi një tërmet i fuqishëm goditi rajonin e Ishujve Kermadec, duke shkaktuar frikën e një cunami.
Tërmeti me magnitudë 8.1 ishte i treti që goditi zonën të premten në mëngjes me kohën lokale, sipas Agjencisë Kombëtare të Menaxhimit të Emergjencave të Zelandës së Re. Njerëzit pranë bregdetit duhet të “lëvizin menjëherë në tokën më të afërt të lartë, nga të gjitha zonat e evakuimit të tsunamit, ose sa më shumë në brendësi të jetë e mundur. Mos qëndroni në shtëpi”, thekson agjensia e Zelandës së Re në faqen e saj të internetit.
Ishujt Kermadec janë 500–620 milje në verilindje të Ishullit Verior të Zelandës së Re. Bregu Lindor i Ishullit Verior nga Gjiri i Ishujve në Whangarei, nga Matata në Tolaga Bay përfshirë Whakatane dhe Opotiki dhe Great Barrier Island janë të gjitha të përfshira në paralajmërimin e tsunamit të kombit Paqësor.
“Tërmeti mund të mos jetë ndjerë në disa prej këtyre zonave, por evakuimi duhet të jetë i menjëhershëm pasi një tsunami i dëmshëm është i mundur,” shkruhet ne deklaratën e agjencisë.
“Njerëzit në të gjitha zonat e tjera që ndien një tërmet të fortë që e bën të vështirë ngritjen në këmbë, ose zgjati më shumë se një minutë, duhet të lëvizin menjëherë në tokën më të afërt të lartë, nga të gjitha zonat e evakuimit të tsunamit, ose sa më shumë në brendësi të jetë e mundur ”
Deklarata shton se njoftimi për evakuim tejkalon masat e Covid-19.
