Shqiptarët ashtu si pjesa e tjetër e botës po kalojnë ditë të vështira për shkak të koronavirusit.
Për të parandaluar përhapjen e koronavirusi, kryeministri ka urdhëruar vetëkarantinimin, ndërsa ka kufizuar edhe lëvizjen e këmbësorëve.
Një qytetar në Durrës nuk e ka duruar dot këtë situatë dhe ka tentuar të hidhet nga kati i pestë i pallatit ku banonte.
Ngjarja ka ndodhur në lagjen Nr.1 të qytetit bregdetar.
Gruaja ka njoftuar policinë, pasi i riu ka tentuar të hidhet nga dritarja, duke thyer kështu edhe urdhërin e qeverisë.
“Doja të hidhesha. Nuk mund të rri dot më brenda”, ka thënë i riu pasi është shpëtuar nga policia, raporton “Balkanweb”.
Informacion paraprak
Më datë 19.03.2020, rreth orës 15:00, si rezultat i një reagimi të menjëhershëm i sherbimeve të Policisë së Rendit pasi konstatuan se një shtetas po tentonte të vet’hidhej, nga kati i 5 i një pallati, në lagjen nr 1, Durrës, u bë i mundur shpëtimi në kohë i shtetasit S.M.,28 vjeç, i cili ndodhet në gjëndje të mirë shëndetësore.
