Shqiptarët ende nuk janë ndërgjegjësuar për rrezikun e koronavirusit.
Në qyteti e Fierit ditën e sotme kishte lëvizje në grupe të të rinjve, por edhe të moshuarve.
Njëri prej tyre ka deklaruar për “Report Tv”, se jeton vetëm dhe ka shumë frikë se mos e vrasin në shtëpi.
“Kam 17 vjet që jetoj vetëm. Gruaja më fëmijët më kanë braktisur se kanë shkuar në Athinë. Sot e kësaj dite jam tek pull. Kam shumë frikë se mund të më vrasin në shtëpi, se jam vetëm”, tha ai.
Më tej ai shtoi se deri më tani nuk ka ardhur askush për t’i ofruar ndihmë.
Përsa i përket koronavirusit, i moshuari tha se nuk e ka frikë, pasi është shumë i fuqishëm dhe ka librat e zotit.
“Përsa i përket koronavirusit deri më tani nuk ka ardhur asnjë person që të më ofrojë ndihmë, të cilën unë e kam të nevojshme. As bashkia dhe askush nuk më ka marrë në telefon. Sot dola për të blerë qepë. Koronavirusin nuk e kam frikë, mua nuk më zë. Ashtu mendoj unë. Jam shumë i fuqishëm. Kam librat e zotit. Falem tre herë në ditë. të gjitha veprimet i bëj në shtëpi, as te kisha as te xhamia”, vijoi i moshuari.
Aktualisht numri i të prekurve nga COVID-19 në vendin tonë ka shkuar në 433, ku gjatë 24 orëve të fundit janë regjistruar 17 raste të reja.
