Deputeti demokrat Asllan Dogjani, gjatë fjalës së tij në Kuvend, pas kërkesës për interpelancë me ministrin e Brendshëm, Ervin Hoxha, theksoi se vitin 2024 ekzekutimet në Shqipëri arritën shifra alarmante.
Dogjani theksoi se vendi po kalon një periudhë të rëndë përsa i përket sigurisë dhe rendit, duke akuzuar ministrin Hoxha për paaftësi në kontrollin e situatës.
“Një vajzë nga Gjirokastra i dha fund jetës se nuk ushqehej mirë, se nuk kishte një fustan të mirë si shoqet, u var se bullizohej. E vrau kreu i organizatës, e vrau Edi Rama se e la të varfër, të pamundur për të veshur një fustan. E vrau shteti se ajo nuk kishte mundësinë të ishte si shoqet e veta. Jeni të pashpirt. Sot duhet të kishte dhënë dorëheqje kryeministri dhe gjithë qeveria e tij. Var veten se shtetit, psikologia e shkollës nuk iu gjend. Realiteti ka treguar se rreziku më i madh nuk buron vetëm nga organizata kriminale, por nga ai që i drejton. Vrasësi i vërtet jo vetëm dora që qëllon por edhe ai që i jep pushtet mafias. Para dy ditësh Rama përplasi tavolinën me grusht duke përdorur një fjalor banal. Sepse atë ditë mori vesh se këshilluesit i Trump erdhi në Shqipëri për të drejtuar fushatën e Berishës.
Ministër, ju nuk bëtë asgjë as për Martin Canin, as për 17-vjeçaren që vrau veten në Gjirokastër. Nuk keni forcë të kontrolloni rendin, jeni figurë e vendosur aty që kryeministri të kontrollojë gjithçka”, u shpreh Dogjani.
