Ukraina po përjeton ditën e 25-të të tmerrit të luftës, ndërsa largimet masive nga vendi vijojnë.
Një qytetar nga Mariupol, ka kujtuar arratisjen e familjes së tij nga qyteti i rrethuar, pasi bombardimet godisnin vazhdimit zonën e bodrumit ku ata ishin strehuar. Oleksandr Bezimov dhe familja e tij ikën në Lviv, në perëndim të vendit. Ai i tha agjencisë Reuters se; “Kur artileritë vazhdojnë të sulmojnë, dhe bombardimet bien mbi qytetin, ndihesh nervoz”.
Oleksandr u arratis me gruan. “Periferia e qytetit thjesht u shkatërrua, por më pas kuptova se nuk kishte më vende të sigurta në qytet,” vazhdoi ai.
Rreth 300,000 civilë nuk janë në gjendje të evokohen nga Mariupolin, pasi trupat ruse kaluan nëpër kolonat e blinduara që mbronin qytetin.
Theksojmë se Rusia nuk i ndalon sulmet e saj të tmerrshme në Ukrainë dhe këtë herë “kurbani” ka qenë një shkollë që strehonte 400 persona.
Lajmin e kanë bërë të ditur autoritetet ukrainase, ku keshilli i qytetit të Mariupolit tha se forcat ruse kanë bombarduar një shkollë ku 400 persona po strehoheshin. Sulmi u tha se ka ndodhur të shtunën.
Në një postim në Telegram, këshilli i Mariupolit tha se shkolla është shkatërruar dhe se banorët janë nën rrënoja. Sipas mediave të huaja, gra, fëmijë dhe të moshuar strehoheshin në këtë shkollë.
