Ashtu siç kishin premtuar, studentët i janë rikthyer sërish protestave ditën e sotme.
Ata janë të pakënaqur nga pakti për Universitetin i propozuar nga kryeministri Edi Rama.
Studentët nuk kanë përfituar nga transparenca financiare, ulja e taksave apo rritja e cilësisë në mësimdhënie.
Për një provim të mbartur, ata janë të detyruar të paguajnë të gjithë vitin shkollor.
Protesta ka nisur nga Fakulteti i Historisë dhe Filologjisë, ku studentët kanë bojkotuar mësimin.
Njëri prej studentëve theksoi se studentët nuk kanë nevojë për ulje në dyqani luksi, por për mesa sociale.
Ai shtoi më tej se do të ketë përshkallëzim të protestës, por gjithmonë në mënyrë paqësore.
“Fakulteti i Filologjikut ka bojkotuar mësimin. Janë vetëm disa student po bëjnë mësim dhe po presim të na bashkohen studentët e juridikut dhe pedagogët. Ne nuk kemi nevojë për ulje tek dyqani i Noizyt. Ne nuk kimi nevojë për pushime në Dubai. Karta e studentit janë vetëm për luksin, studentët si unë nuk kanë nevojë për këto, as për argjendari. Ne kemi nevojë për mensa sociale”, u shpreh studenti.
Përsa i përket axhendës, studenti tha se nuk ka organizim nga lart dhe protestat do të vazhdojnë në mënyrë paqësore.
“Kjo nuk është organizim nga lart, Ne jem shumë të indinjuar, Protestat do të vazhdojë në mënyrë paqësore. Ne nuk jemi shpellarë, as nuk vrasim njerëz, vrasim me penë”, tha studenti.
Më pas ai shtoi se kësaj here, do të kenë më shumë pritshmëri.
