Vitet e fundit shumë infermierë dhe mjekë i janë drejtuar Gjermanisë! Të paktën 857 mjekë janë larguar nga Shqipëria në 5 vitet e fundit, në kërkim të një vendi që t’i vlerësonte, jo vetëm për nga ana monetare, por edhe për t’i rikthyer vlerën e profesionit të tyre.
Nëse edhe ju po shikoni mundësinë për t’u larguar nga vendi, atëherë merrni në konsideratë si opsion Kosovën.
Kjo pasi nga ky vit në Kosovë, një mjek specialist në spital dhe në qendrat e kujdesit shëndetësor paguhet me pagë neto 1195 euro në muaj. Një mjek specialist në Kosovë merr 2.5 herë më shumë se një mjek nga Shqipëria.
Paga e një kryeinfermieri në Kosovë është 621 euro, ndërsa paga e një infermieri në spital është 537 euro.
Në fakt rritja e pagave në Kosovë mund ta shndërrojë atë në një qendër të re graviteti për mjekët shqiptarë, të cilët për shkak të afërsisë gjeografike, mund të zgjedhin Kosovën për të ushtruar profesionin e tyre.
Burimi: Monitor
