Ditën e sëotme një grup inxhinierësh janë çuar në protestë përballë kuvendit,për shkak të projektligjit për urdhrin e inxhinierit. Protesta ka filluar pak para set të fillojë mbledhja e Komisionit të Veprimtarisë Prodhuese ku diskutohet projektligji për Urdhrin.
Ndëkohë kujtojmë se iniciativa për “Urdhrin Profesional të Inxhinierëve dhe Arkitektëve” ka nisur në 2019 kohë kur ishte parashikuar një ligj i përbashkët për të dy profesionet.
Drafti u shoqërua me debate nga palët e interesit dhe u la pezull. Në shkurt të 2022 u rikthye në vëmendje debati për urdhrin, pasi pati një tentativë për ta kaluar në Kuvend si projektligj. Shoqata e Arkitektëve mori nismën për të dërguar draftin në Kuvend.
Nisma u prit me shqetësim nga profesioinistët e fushës dhe u la sërish pezull. Ministria u tërhoq nga kalimi i projektligjit. Pak muaj më vonë, deputetja Luljeta Bozo ka marrë iniciativën për ta dërguar sërish iniciativën në Kuvend, por me dy projektligje të ndara tashmë, duke nisur me Urdhrin e Inxhinierëve.
Urdhri i Inxhinierëve u kundërshtua menjëherë nga një grup profesionistësh, të cilët kanë dërguar një letër në Kuvend. Në reagim, inxhinierët u shprehen se projektligji është antikushtetues dhe bie ndesh me parimet themelore të Kushtetutës.
Protestës i është bashkuar edhe deputeti demokrat Lefter Gështenja.
“Kjo nismë është iniciuar nga qeveria. Projektligji është antikushtetues, kontrollon licencat e inxhinierëve. Do vazhdoj ta kundërshtoj dhe në Komision, kemi pasur një sërë takimesh dhe dëgjesa në universitet, me inxhinierë dhe student që preken nga kjo iniciativë. Ky projektligj prek të gjithë inxhinierët, një vit pas miratimit të projektligjit bie licenca”, tha ai ndër të tjera.
