Ditën e sotme tregtarët e tregut industrial në Berat janë ngritur në protestë për pagën e luftës.
Ata shprehen se kanë ulur qepenat që prej 12 marsit dhe nuk kanë asnjë të ardhur, ndërsa taksat dhe siguracionet i kanë paguar.
Tregtarët shprehen se për ta i vetmi burim jetese është tregu.
“Ne që jemi mbledhur këtu jemi tregtarët e tregut industrial. Po bëjmë që në datën 12 mars që është mbyllur tregu dhe kërkojmë pagën e luftës këtu te bashkia. I vetmi burim jetesë është tregu, se punojmë burrë e grua. S’na kanë thënë gjë se kur mund të hapet tregu”, shprehet një tregtar.
Një tregtar tjetër thotë se fajin e ka bashkia, e cila nuk i ka pajisur me numër NIPT-I, por nuk janë në të zezë pasi paguajnë taksa, shkruan “Shqiptarja.com”.
“Puna është mbyllur me urdhër të qeverisë, tani na kanë lënë në mëshirë të fatit. Kjo jo për fajin tonë, por për fajin e bashkisë e cila nuk na ka pajisur me një numër nipti apo siguracione, por ama nuk jemi në të zezë, se i paguajmë taksa bashkisë. Sa mirë zotërinjtë për votime vijnë e na gjejnë derën, sot na e mbyllin derën”, shprehet tregtari.
