Shqiptarët sërish janë rikthyer në vëmendjen e mediave italiane, pasi ditën e sotme ka ndodhur një arratisje spektakolare e tre të burgosurve nga burgu i Trevisos në Itali. Të arratisurit mësohet të jenë me origjinë shqiptare.
Në video shihet momenti kur tre shqiptarët vrapojnë në një fushë të gjelbërt pranë burgut, pasi më herët kishin prerë me sharrë hekuri, hekurat e dritares në qelinë e tyre. Ndërkohë mësohet se dy prej të arratisurve janë ndaluar nga policia italiane dhe i vetmi që mbetet ende i lirë është anëtari i bandës së Niklës, Edison Pula.
Aktualisht policia italiane është angazhuar maksimalisht për të ndaluar këtë të fundit , pasi ka shqetësime na ana e autoriteteve që mund rtë dalë jashtë vendit.
Edison Pula ,anëtari i “Bandës së Niklës”, i njohur edhe për grabitjet e vilave luksoze në zonën e Selias. Policia është vëndë në ndjekje të tij , si dhe për kapjen e tij është angazhuar edhe një skuadër nga ajri për të gjurmuar lëvizjet e tij, por edhe postblloqe në kufi do të vendosen për ta bërë ta pamundur largimin e tij nga vendi.
Në lidhje me këtë komisari Vito Montaruli, tha: “Ka bashkëpunim maksimal për kërkimin e të arratisurit. Që në agim ka nisur një koordinim mes Skuadrës Ajrore dhe zyrës së hetimit të Policisë, policisë së burgjeve dhe asaj kufitare”.
Kontrolle të plota, duke mos lënë gur pa lëvizur janë duke u zhvilluar ndërkohë në zonën e Trevizos.
“Dyshimi është se po tenton të largohet nga vendi dhe kontrollet e mëdha janë përqendruar në atë anë të kufirit. Megjithatë, supozojmë se është ende në territorin kombëtar”, shtoi më tej komisioneri, duke theksuar se janë vendosur në alarm të gjitha komisariatet në verilindje dhe më gjerë.
“Përshkrimi i shqiptarit iu dërgua të gjithë policëve dhe të gjitha komisariateve. Hulumtimi do të nisë nga e kaluara e të arratisurit. Hetimet do të përpiqen të vlerësojnë përvojën e kaluar. Si kanë arritur ta kapin tashmë atë njeri që kishte gjetur strehë në strofkën e një bande të specializuar në vjedhjet e shtëpive”, nënvizoi ai.
Ndërkohë, Pula cilësohet si një person që është në gjendje t’i shmanget policisë. Ai mund të gëzojë mbështetje dhe një rrjet kontaktesh që i garantojnë atij të ndryshojë shpesh qytetin, shtëpinë dhe makinën.
Sipas mediave, të hënën e ardhshme 27-vjeëari duhej të dilte në gjykatën e Bolzanos në një gjyq që e shihte të akuzuar për rreth pesëdhjetë vjedhje. Ai po hetohej gjithashtu në Belluno dhe Treviso për një mori vjedhjesh të tjera në shtëpi.
