Deputeti Kujtim Gjuzi dhe kryeparlamentari, Gramoz Ruçi, kanë vijuar debatin për kodin e veshjes.
Gjuzi i ka kërkuar llogari Ruçit se cilin kod kishte shkelur.
Ky i fundit i është përgjigjur se bëhej fjalë për procesverbalin.
Më tej deputeti ka vijuar duke thënë se ka marrë edhe një mesazh kërcënues. Ai u shpreh se nuk ka zot që ta kërcënojë dhe se nuk e ka frikë Ruçin.
Kryetari i Kuvendit mohoi ta ketë kërcënuar, ndërsa i kërkoi të mos ndalojë me autoshkolla te dera e Parlamentit.
Debati
Gjuzi: Në seancën e kaluar keni shkelur rregulloren se keni penalizuar Kostaq Papën dhe Kujtim Gjuzin që kishin diskutim dhe deri në këtë moment, keni shkelur nene të rregullores. Më the ke shkel kodin e etikës, këtu e kam unë edhe kodin edhe rregulloren. Ca kodi kisha shkel?
Ruci: Ke për procesverbalin thash?
Gjuzi: Tjetra që është më kryesorja në orën 14:39 minuta më ka ardhur sms kërcënuese pikërisht për veshjen. Edhe nuk ka Zot none që të më kërcënojë mua, se nuk Të kam frikë as ty as kërkënd. Kaq për sot, herë tjetër pastaj shohim e bëjmë
Ruci: Unë nuk të kërcënoj ty, të ftoj të zbatosh etikën i dashur dhe të mos ndalosh me autoshkollat në derën e parlamentit.
