Franca është tronditur nga një tjetër ngjarje. Pa kaluar një javë nga shpërthimi në qendër të Parisit, ku një furrë buke shpërtheu si pasojë e një tubacioni gazi, një tjetër shpërthim është regjistruar në Lion.
Sipas informacioneve të “BFMTV”, zjarri ka rënë në tarracën e universitetit, më konkretisht mbi bibliotekën, ndërsa flakët janë përhapur thuajse në të gjithë godinën.
Sipas hetimeve paraprake, shkak i zjarrit mund të ketë qenë puna që po bëhej momentalisht, që ka shkaktuar edhe shpërthimin e 3 bombolave të gazit, që mbaheshin në tarracë.
Aktualisht, raportet e para flasin për një të lënduar lehtë, ndërsa persona të tjerë të pranishëm janë evakuuar nga vendngjarja.
Përmes rrjeteve sociale, Universiteti “Lyon 1” këshillon njerëzit të qëndrojnë mbi 100 metra larg nga vendngjarja, duke siguruar se ekipet e emergjencave po ndërhyjnë për t’i dhënë fund këtij incidenti.
Important incendie sur la campus de la Doua au Nord de Lyon pic.twitter.com/XkMiGOPc9D
— Florent Derue (@florentderue) January 17, 2019
