Pandemia e koronavirusit është në kulmin e valës së saj të dytë në të gjithë botën, por siç thotë një fjalë e urtë “jo çdo e keqe vjen për keq…”.
Pas angazhimit të madh të shkencëtarëve në të gjithë botën për të gjetur një kurë për këtë virus, por edhe pas nisjes së prodhimit masiv të vaksinave, një tjetër lajm pozitiv vjen.
Gjatë dimrit, hemisfera Jugore raportoi raste shumë të pakta të gripit stinor. Duket se teksa po luftohej koronavirusi, gripi u bë gjithmonë e më pak i pranishëm.
Një fenomen i tillë po haset tani edhe në hemisferën Veriore, teksa kemi hyrë në sezonin e gripit. Sipas “Daily Mail”, të dhënat nga Britania e Madhe tregojnë se, vendi thuajse nuk ka virus të gripit.
Në këtë vend kanë mbërritur dozat e para të vaksinës, por sipas “Daily Mail”, shpresat për zhdukjen e pandemisë tani janë shtuar ndjeshëm. Ekspertët thonë se, vendi po kalon edhe valën e dytë.
Më herët një profesor i nderuar britanik tha se, vaksina do të ndihmojë për të luftuar sëmundje të tjera, duke ulur ndjeshëm infeksionet.
Autoritetet druheshin se bashkimi i koronavirusit me virusin stinor do e çonte sistemin shëndetësor në kolaps. Por duket se kjo gjë nuk po ndodh.
“Ky dimër duket se do jetë shumë më i lehtë, nga sa e kishim menduar”,- tha profesor Paul Hunter, raporton “Daily Mail”.
/Burimi: Daily Mail/ Përshtati: GazetaReforma.com/
