Kryeministri i Britanisë së Madhe Boris Johnson është përfshirë në një aksident automobilistik jashtë Parlamentit britanik ditën e sotme.
Sipas “The Telegraph”, Johnson ishte në një makinë duke dalë përmes portave të Pallatit të Westminster dhe mbi Sheshin e Parlamentit në Westminster kur një protestues doli në rrugë për të sulmuar makinën e kryeministrit.
Shoferi i makinës shtypi frenat papritmas për të shmangur protestuesin, duke bërë që një nga makinat e sigurisë që e ndiqte nga pas të përplasej me makinën e kryeministrit.
Të dyja makinat u larguan nga vendi i ngjarjes shpejt me një dëmtim të dukshëm në pjesën e pasme të Jaguar të Johnson.
Fatmirësisht, kryeministri nuk ka pësuar asnjë dëmtim dhe ndodhet në gjendje të mirë shëndetësore, teksa Policia ka arrestuar protestuesin.
Kujtojmë se pak kohë më parë Boris Johnson luftoi me Covid-19, madje përfundoi në terapi intesive, por arriti të mbijetojë.
