Politikanët shqiptarë kanë gjithmonë tendencën për të fetishizuar personazhe publike që gjithë vëmenjden e kanë marrë falë banaliteteve. Brenda Partisë Socialiste, vazhdimisht nuk ka munguar adhurimi për Noizy-n, duke e marrë si shembull edhe për rininë. Pas adhurimit nga Erion Veliaj, ka qenë ministrja e financave ajo që e ka shtuar dozën duke e “nderuar” reperin edhe me certifikatë. Denaj thotë se Noizy është shembull për sipërmarrësit me market e tij të veshjeve, resortet që njihen në të gjithë botën. Ka qenë e kujdesshme Denaj, të mos e marr Noizy-n shembull për tekstet vulgare të këngëve, jetën e shfrenuar dhe skandalet e zënkat me reperë të tjerë. Kjo figurë e Noizy-t është ndër ato që shpëlajnë intelektualisht trurin e mijëra të rinjve shqiptarë. Por Denaj nuk e ka problem këtë shembull.
Postimi i ministers:
Noizy nuk është vetëm një këngëtar, kompozitor, por dhe sipërmarrës i njohur shqiptar.
3 vjet më parë nisi rrugëtimin e tij me kompaninë e veshjeve “Illyrian Bloodline” në Tiranë, Durrës, Prishtinë, Prizren, Tetovë etj.. Së fundi edhe me restorantin Zins, në Durrës.Sot ka të regjistruara 8 marka kombëtare, që njihen edhe në bote. Ndërgjegjësimi për regjistrimin e objekteve të pronësisë industriale, nga personazhet publike, është shembull për të gjithë sipërmarrësit.
