Nënkryetarja e Partisë Demokratike, Jorida Tabaku ka folur në lidhje me përjashtimin e ish-kryeministrit Sali Berisha nga grupi parlamentar demokrat. Në një intervistë për News 24, Tabaku tha se nuk ishte e lehtë të merrej një vendim i tillë, pasi bëhet fjalë për njeriun që ka pasur arritjet më të mëdha,
Ajo deklaroi se vendimi ishte i imponuar, pasi erdhi nga aleatët. Deputetja demokrate tha se vendimi ishte për të ardhmen e PD, në mënyrë që mos të cënoheshin marrëdhëniet me një aleat si SHBA.
“Nuk ishte e lehtë për të marrë këtë vendim, sepse bëhet fjalë për Sali Berishën, për personin që ka pasur arritjet më të mëdha që i njohin të gjithë ata që i kanë prekur. Përveç infrastrukturës duhet të prek NATO-n. Për shumë të rinj si mua nuk i heq asgjë respektit që kemi për të besoj dhe shumë shqiptar. E thashë që nuk kishte mënyrë të lehtë për të marrë një vendim të vështirë, që ishte i imponuar, një fakt i kryer. Ka qenë vendim që erdhi nga një aleat, nga partner. Ky vendim ishte fakt i kryer, ishte i detyruar, i imponuar, ishte për të ardhmen e PD dhe për të mos cënuar marrëdhënien e PD me aleatin tonë”, tha Tabaku.
