Ditën e sotme gratë e Astirit kanë protestuar përpara ambienteve të një hoteli në Tiranë, kundër ambasadorit të OSBE, Bernd Borchardt.
Disa nga thirrjet e tyre janë: “Shame on you” dhe “Borchardt shporru nga Shqipëria”, shkruan ‘Dosja.al’.
Ato janë të vendosura të proteëstojnë deri në largimin e ambasadorit. Shkak për protestën e tyre është bërë gjesti i turpshëm i ambasadorit, i cili ngriti gishti e mesit ndaj protestuesve.
“Ne do të jemi në protestë vazhdimisht, do të protestojmë deri në frymën e fundit.Ai na ka ofenduar”, është shprehur një grua protestuese.
Borchardt nuk ka bërë asnjë reagim për sharjet e protestuesve.
Ai sapo doli nga makina, hyri në hotelin ku po zhvillohej takimi mesdhetar i OSBE-së.
Kujtojm këtu se pak javë më parë, Borchardt i ngriti gishtin e mesit protestuesve, të cilët po protestonin përpara drejtorisë së policisë, për lirimin e të arrestuarve.
Ky veprim ngjalli reagime të forta publike dhe ambasadori më pas u detyrua të kërkojë falje.
Gjithashtu banorët e Astirit kanë firmosur peticion për largimin e Borchardt.
Zyra e OSBE ndërkohë ka deklaruar se ka nisur hetim ndaj tij.
