Ministrja e Arsimit, Evis Kushi ka rezultuar pozitive me COVID-19. Lajmin e ka bërë vetë ajo të ditur nëpërmjet një postimi në rrjtetet sociale, ku shkruan se pas testimit ajo është konfirmuar positive. Kushi thotë se aktualisht ndodhet në karantinë dhe është duke ndjekur gjithë udhëzimet e mjekëve. Ajo lajmëron se detyrat e saj do i ndjek nga shtëpia dhe ndërkohë ka bërë thirrje që të gjithë t’i respektojnë rregullat për parandalimin e përhapjes së virusit.
Postimi i Kushit:
Pas testimit për COVID-19, ju informoj se kam rezultuar pozitive. Aktualisht jam karantinuar, duke ndjekur të gjitha udhëzimet e mjekëve dhe do të vazhdoj t’i përmbush detyrat nga shtëpia.
Ju bëj thirrje të gjithëve, të respektoni të gjitha rregullat dhe protokollet në fuqi, për parandalimin e përhapjes së virusit.
Uroj shumë shëndet për ju dhe familjet tuaja!
Ndërkohë, vetë Kushi duket se nuk i ka bërë aspak mirë “detyrat e shtëpisë”. Prej kohësh ajo ka mbajtur takime elektorale, madje edhe ditën e djeshme edhe pse masat e pandemsië kanë qenë në fuqi. Në një vizitë në një familje në Elbasan, ajo shihet se e ka hequr maskn pas asnjë farë përgjegjshmërie. Urojmë që Kushi të mos ketë infektuar ndokënd tjetër për hir të fushatës dhe lojërave të volejbollit që i pëlqen të luajë nëpër shkolla. Veç këtyre, i urojmë shërim të shpejtë ministres!
