Kreu i Partisë Demokratike, Lulzim Basha ka folur pas homazheve për nënkomisarin e vrarë në krye të detyrës, Saimir Hoxha. Basha ka shprehur solidaritetin me kolegët e nënkomisarit që u vra ditën e djeshme në Lezhë, që përballen çdo ditë me krimin për të siguruar jetën e qytetarëve.
Krydemokrati deklaroi se sot nuk është dita për të ngritur gishtin e përgjegjësisë, por si drejtues i dikurshëm i Ministrisë së Brendshme, tha se e ndjen dhimbjen e përditshme të policëve. Ai ka thënë se PD do të bëjë gjithçka për të rivendosur në vend dijnitetin e punonjësve të policisë.
“Jam këtu për ti dhënë lamtumirën e fundit nënkomisarit Saimir Hoxha, bashkë me lutjet që shpirti i tij të prehet në paqe, me lutjen që Zoti të lehtësojë dhimbjet e familjarëve të tij. Shpreh solidaritetin për motrat dhe vëllezërit me uniformë të Saimir Hoxhës, që përballen çdo ditë me krimin për të siguruar jetën e çdo qytetari.
Sot nuk është dita për të ngritur gishtin e përgjegjësisë, por si drejtues i tyre i dikurshëm, them se dhimbjen e tyre të përditshme e ndjej përditë. PD do të bëjë gjithçka për të rivendosur dinjitetin e motrave dhe vëllezërve me uniformë të Saimir Hoxhës”, tha Basha.
