Një baba çnjerëzor që rreh fëmijën e tij foshnjë ka tronditur mbarë opionion publik.
Mediat në Turqi, shkruajnë se një baba ka torturuar foshnjën e tij 2 muajsh.
Ashtu sikurse evidentohet edhe nga pamjet Yunus Göç duke rrahur në mënyrë barbare fëmijën dhe arsyeja ishte e qara e foshnjës.
Sipas haberturk.com, pamjet e dhunshme janë filmuar nga telefoni, kamerën e të cilit nëna e foshnjës e kishte lënë fshehurazi hapur, para se të dilte nga shtëpia.
Në video dëgjohet foshnja që qan, ndërsa i ati e godet dhunshëm.
Abuzimi përfundoi vetëm kur nëna u kthye në shtëpi dhe ia rrëmbeu fëmijën nga duart babit mostër. Fëmija u transportua në spital me hemorragji cerebrale, ndërsa babai i tij u arrestua.
Babai i cili rrahu fëmijën në mënyrë çnjerëzore ka pranuar akuzën dhe është shprehur se kjo ka ndodhur si pasojë e faktit që nuk i duronte dot të qarat e fëmijës. Sipas tij ai e mori atë në krahë për t’a ushqyer, por foshnja papritmas filloi të qajë.
“Kur filloi të qajë e kam rrahur pasi kam qenë i zemëruar në ato momente, por jam penduar”, shprehet i ati i foshnjës së dhunuar.
“Ai nuk duhet të dalë kurrë nga burgu”, ka thënë nëna e fëmijës për mediat vendase.
