Sot ambasadorja amerikane Yuri Kim bashkë me ministren Belinda Balluku kanë zhvilluar një inspektim në termocentralet lundruese për prodhimin e energjisë në Vlorë.
Në fjalën e saj ambasadorja Yuri Kim deklaroi se anijet nuk duken të bukura në pamjen e jashtme por janë funksionale sepse do të sigurojnë energji elektrike për afro 150 deri në 200 mijë banesa në vit.
“I thashë ministres se nuk duken të bukur por rëndësi ka që funksionojnë. Po ju tregoj dhe statistikat, vitin e kaluar konsumi i Shqipërisë ka qenë 8.4 dhe nëse funksionon siç duhet këto termocentrale do të prodhojnë 114 megavat, kjo të paktën mund të përmbush 12-15% nevojat totale për energji elektrike të vendit. Në terma mesatar do të thotë 150 deri 200 mijë shtëpi që do të sigurojnë energji elektrike nga këto anije”, tha Kim.
Ndërkohë ministrja Ballaku shkruan se Shqipëria po punon intensivisht për të rritur kapacitetet prodhuese të energjisë për përballimin e krizës energjitike me të cilën po haset vendi.
“Shqipëria po punon intensivisht për të rritur kapacitetet prodhuese të energjisë, jo vetëm për përballimin e krizës që ka vendosur në vështirësi të gjithë botën, po edhe për të realizuar planin strategjik të Shqipërisë sovrane dhe eksportuese neto në energji. Së bashku me ambasadoren Kim, në termocentralet lundruese të prodhimit të energjisë të vendosura në Vlorë nga kompania amerikane “Excelerate Poëer””, bën të ditur Balluku në facebook.
