Sekretari i Përgjithshëm i Partisë Demokratike, Flamur Noka, ka denoncuar në Kuvend gjendjen e vështirë të pensionistëve shqiptarë, të cilët sipas tij, po vuajnë nga një ulje e realë e pensioneve, për shkak të inflacionit dhe politikave të qeverisë.
Noka e krahasoi këtë situatë me luksin e ministrave, të cilët sipas tij, “zhgërryhen” me paratë që janë marrë nga qytetarët. Ai theksoi se për një muaj, një pensionist merr aq sa një qen i zyrtarëve të PS-së ha për një vakt.
“Ju jetoni në varfëri, por ata që vjedhin dhe shfrytëzojnë pasurinë e shtetit, po jetojnë në luks. Një pensionist shqiptar merr për një muaj sa një qen i ministrave ha për një vakt. Ky është niveli i pashpirtë dhe të paudhësisë që përfaqëson kjo qeveri,” tha Noka.
Ai gjithashtu bëri thirrje për një ndihmë më të madhe për pensionistët, duke theksuar se vetëm 26% e pensioneve janë rritur gjatë 11 viteve të fundit, ndërsa inflacioni ka shënuar një rritje prej 34%, që ka çuar në një ulje të vlerës reale të pensioneve për 13%.
