Deputeti i zgjedhur, Flamur Noka ka dalë hapur kundër vendimit të Lulzim Bashës për të lënë ish-kryeministrin Berisha jashtë grupit parlamentar deri në zbardhjen e plotë të vendimit të DASH. Ai e quajti Berishën njeriun më proamerikan të 30 viteve të fundit. Në përfundim të mbledhjes së kryesisë, Noka ka thënë në një deklaratë për mediat se Berisha u ngrit kundër regjimit mbi vlerat dhe parimet e demokracisë amerikane, për të themeluar Partinë Demokratike. Noka tha se përjashtimi i tij është mohim i Partisë Demokratike dhe mohim i suksesit të kësaj force.
Lidhur me arsyet e marrjes së këtij vendimi, Noka tha se ato i di vetë kryetari, ndërsa shtoi se busulla ka vetëm një drejtim: orientimin euroatlantik.
“Sali Berisha është njeriu më proamerikan i 30 viteve të fundit të demokracisë. Berisha themeloi PD-në u ngrit kundër regjimit mbi vlerat dhe parimet e demokracisë amerikane u themelua PD. Busulla ka një dhe vetëm një e Berishës dhe e PD-së: Orientimi i euroatlantik. Në lidhje me vendimin Berisha po ecën në drejtimin që ka mbajtur. Përjashtimi është mohim i Partisë Demokratike, është të mohosh suksesin e kësaj force. Arsyet pse e ka marrë këtë vendim i di kryetari sepse e ka marrë vetë”, ka thwnw Flamur Noka.
