Kryeministri Edi Rama ka bërë me dije se njohja e patentave shqiptare në Gjermani është në fazën e fundit të miratimit në dhomën e landeve të Gjermanisë.
Njohja e patentave shqiptare në Gjermani është në fazën e fundit të miratimit në dhomën e landeve të Gjermanisë. Kjo u bë e ditur nga Rama gjatë një replikimi që i ka bërë një qytetari që kishte komentuar në një postim për mjediset e reja të DPSHTRR në Fushë Prezë.
“Më mirë të ishin të shkatërruara nga jashtë dhe të forta nga brenda, sesa kështu, ku u bëni ambiente luksoze, por të mbyt korrupsioni, injoranca, militantizmi e nepotizmi. Gjithsesi ti vazhdo t’u japësh ushqim shpirtëror kokëbosheve që të ndjekin. Në fund të fundit nuk ke shumë faj. Ata që të kanë vënë dhe mbajnë aty ku je, kështu ta kërkojnë ta luash pjesën”, tha një komentues.
Ndërkohë kryeministri Rama i është përgjigjur qytetetarit duke i thënë se çdokush që ka marrë shërbimin në institucionet e Drejtorisë së Transporteve e dinë është cilësor.
Ai shton se kësaj të vërtete i bashkëngjitet fakti që që procesi i njohjes së patentave shqiptare në Gjermani sot është në fazën e fundit të miratimit
“Kush merr shërbime sot në institucionet e Drejtorisë së Transporteve e di mirë se nuk të mbyt as korrupsioni, as injoranca, sepse shërbimet kalojnë përmes sistemeve digjitale që nuk njohin as militantë as kushërinj! Dhe kaq e vërtetë është kjo, sa që e provon fakti që procesi i njohjes së patentave shqiptare në Gjermani, gjë që as nuk mendohej dot deri disa vite më parë, sot është në fazën e fundit të miratimit në Bundesrat, dhoma e landeve të Gjermanisë! Sharjet e përqeshjet nuk janë argumenta”, shkruan Rama.
