Janë bërë publike datat e zhvillimit të provimeve të maturës per këtë vit shkollor. Drejtoria e Përgjithshme e Arsimit Parasuniversitar ka publikuar udhëzimin për mbajtjen e provimeve në kushtet kur vendi po kalon një pandemi.
Në njoftimin e publikuar mësohet provimi i parë që do të zhvilllohet është ai i gjuhës së huaj më tre qershor, ndërsa i Letërsisë do të zhvillohet më datë 7 qershor 2021. Më pas në radhë është provimi i matematikës që do të mbahet më datë 11 qershor. Provimi i ‘Lëndës me zgjedhje’ do të zhvillohet i fundit më 15 qershor.
Nga udhëzimi mësohet se provimi do të zgjasë dy orë e gjysme minuta dhe do të nisë në orën 10:00 te mengjesit. Numri i provimeve që do të jepen është në total katër, nga ku tre janë të detyrueshëm e një është provim me zgjedhje të lirë. Testet e provimeve të maturës do të hartohen nga Qendra Shqiptare e Arsimit (QSHA) dhe do të vlerësohen maksimalisht me 60 pikë. Para fillimit të provimeve realizohen konsultimet përkatëse me mësuesit e lëndëve sipas një kalendari të publikuar më parë dhe që do të monitorohen nga zyrat vednore të arsimit. Provimet do të zhvillohen në qendrat e paracaktuara nga Komisioni i Maturës Shtetërore.
http://arsimiparauniversitar.gov.al/wp-content/uploads/2021/02/UDHEZIM-NR.3.DT_.8.2.2021.pdf
