Një tjetër person i dyshuar me koronavirus është dërguar në repartin e Infektivit në QSUT.
Mësohet se bëhet fjalë për një burrë, origjina e të cilit nuk dihet.
Në videon e siguruar nga “Abcnews” shihet sesi infermierja koordinon autoambulancën, për t’i treguar sesi duhet të nxjerrë të dyshuarin dhe ku duhet të ndalojë.
Aktualisht në vendin tonë janë shënuar 38 të infektuar dhe 1viktimë nga koronavirusi.
Drejtoresha e ISHP, Albana Fico, bëri me dije pak orë më parë se 12 prej të infektuarve ndodhen në repartin e Infektivit në QSUT.
Dy prej tyre ndodhen në terapi intensive, një 66-vjeçar nga Lushnja dhe një 61- vjeçare nga Fieri.
Qeveria ka ndërmarrë një sërë masash për parandalimin e përhapjes së koronavirusit.
Policia dhe ushtria kanë ngritur pika kontrolli në rrugë, për të mbikëqyrur zbatimin e urdhërave të qeverisë.
Me urdhër të kryeministrit Edi Rama, qarkullimi i makinave private do të jetë i bllokuar deri të dielën në mesnatë.
Perimetri i blinduar pritet të zgjerohet edhe në Lushnje, Elbasan, Fier e Vlorë.
Më herë ndërkohë qeveria ka dhënë urdhër për mbylljen e lokaleve, shkollave, si dhe anulimin e aktiviteteve publike.
