Një 33-vjeҫar nga Vlora i identifikuar si Gëzim Shekaj është gjetur i vetëvarur në qelinë e burgut të psikiatrisë në Athinë.
Numri i të vdekurve shqiptar shkoi 13 për këtë vit në shtetin fqinjë, sakaq nga ana e autoriteteve të vendit tonë nuk ka asnjë reagim.
Më shumë detaje për këtë ngjarje jep gazetari Shpëtim Zinxhira i cili shkruan për këtë ngjarje.
Ai thotë se hetimet nuk duhet të vazhdojnë vetëm për vdekjen e 33-vjeҫarit, por duhet të hetohet edhe për indiferentizmin dhe sjelljen e ambasadës ndaj familjeve të viktimave dhe gazetarëve shqiptar.
Sipas tij ambasada jonë në Greqi është kthyer kundra interesave të shtetasve të saj.
“I riu nga Vlora rreth moshës 33 vjeç, kishte përfunduar dënimin e tij dhe para 20 ditësh kishte hedhur firmën për të dalë nga burgu. Por, detaje tronditëse rrëfen një i afërm, i cili thotë se përgjatë këtyre 20 ditëve, Gëzimi është injektuar me 4 gjilpëra, me qëllim që ta çonin drejt vdekjes, ku kështu ndodhi.
Në tre muajt e fundit, Gëzimi është i katërti shqiptar që humb jetën në burgjet greke.
Alarmant është fakti se lidhur me këtë rast nuk kanë shkruar as mediat greke, ndërsa sipas shqiptarit, policia po tenton të fshehë ngjarjen. Këto ngjarrje ndodhin në një kohë kur në Ambasada jonë në Greqi është kthyer kundër interesave të shtetasve të saj, kur bëhet fjalë për të tilla vrasje.
Por paralel me hetimet e shtetit shqiptar ndaj kesaj vdekje duhet te hetohet njëkohësisht edhe indiferentizmi dhe sjellja e kësaj amabsade ndaj familjeve të viktimave dhe gazetareve shqiptar. Kemi 4 vetvrasje ne burgjet greke dhe 9 vrasje te ndryshme…per këtë vit numri i viktimave shqiptar shkon në 13-të.”, shkruan gazetari Shpëtim Zinxhira.
/Newsbomb/
