Ka humbur sot jetën nga coronavirusi mjekja endokrinologe, Varvara Lile. Lajmi është bërë i ditur nga djali i të ndjerës me anë të një mesazhi në rrjetet sociale.
“Të dashur miq e shokë . Me hidhërim të thellë njoftoj ndarjen e parakohshme nga jeta të njeriut tim me të afërt e më të dashur, mamasë time Valentina Lile . Ceremonia e lamtumirës në nderim të saj dhe përcjellja për në banesën e fundit do të zhvillohen më datë 20.03.2021, ora 15.00. Nisja bëhet nga Funerali Alba2000 për në Varrezat “Sharrë” U prehsh në paqe nënë do na mungosh jashtë mase,” shkruan djali i së ndjerës.
Mjekja e prekur me Covid-19, prej ditësh ishte në gjendje të rënduar shëndetësore.
Pesë ditë më parë të afërmit e saj bënë apel në rrjetet sociale, duke kërkuar dhurues gjaku, pasi mjekja kishte grupin “0+” dhe ishte e vështirë për tu gjetur.
Kujtojmë se sot një tjetër humbje u shkaktua nga Covid-19. Bëhet fjalë për Komandantin e Komandës Mbështetëse, Ndriçim Sallaku ka humbur betejën me koronavirusin.
Lajmin e hidhur e ka bërë të ditur në ‘Facebook’, ministri i Mbrojtjes, Niko Peleshi. Ai ka nderruar jete ne moshen 55-vjecare.
Kujtojmë se nga Covid-19 kanë ndërruar jetë policë, infermierë e mjekë të tjerë, të cilët janë dhe grupet më të ekspozuara ndaj virusit.
Sa u përket shifrave të infektimeve, vihet re një rënie për shkak dhe të një taktike të ndjekur në uljen e numrit të testimeve. Por mbeten të larta shifrat e shtrimeve në spital dhe qytetarëve që kanë ndërruar jetë nga coronavirusi.
