Organizata Botërore e Shëndetësisë (OBSH) i ka dhënë miratimin për përdorim urgjent vaksinës së Covid-19 të mbështetur nga qeveria e Indisë, Covaxin. Vaksina u miratua në Indi në janar, ndërsa faza e tretë e provave klinike ishte ende në zhvillim e sipër, duke shkaktuar disa shqetësime dhe kritika. Bharat Biotech, e cila prodhon vaksinën, që atëherë ka publikuar të dhëna që sugjerojnë 78% efikasitet.
OBSH tha në një postim në Twitter se besonte se përfitimet i tejkalonin rreziqet.
Disa ekspertë kishin vënë në dukje një miratim të shpejtë dhe të dhëna jo të plota, por kryetari i firmës, Dr Krishna Ella, tha se vaksina ishte “200% e sigurt”.
Paneli i ekspertëve të OBSH-së, i cili autorizon miratimet emergjente, kishte kërkuar më shumë të dhëna muajin e kaluar ndërsa shqyrtonte aplikimin që Bharat Biotech kishte paraqitur në korrik.
Në miratimin e saj thuhej:
- Vaksina rekomandohej për përdorim në dy doza, me interval doza prej katër javësh, në të gjitha grupmoshat 18 vjeç e lart.
- Covaxin kishte 78% efikasitet kundër Covid 19 të çdo ashpërsie, 14 ose më shumë ditë pas dozës së dytë, dhe është jashtëzakonisht i përshtatshëm për vendet me të ardhura të ulëta dhe të mesme për shkak të kërkesave të lehta për ruajtje.
- Të dhënat e disponueshme për vaksinimin e grave shtatzëna me vaksinën janë të pamjaftueshme për të vlerësuar sigurinë ose efikasitetin e vaksinës në shtatzëni
- Miratimi do të jetë gjithashtu një lehtësim për dhjetëra miliona indianë që kanë marrë vaksinën- India ka administruar më shumë se 105 milionë doza Covaxin deri më tani – dhe një ndihmë për Bharat Biotech.
Pak vende e kanë njohur Covaxin dhe India shpreson se miratimi i OBSH-së do ta ndryshojë këtë gjë.
