Toka në Greqi nuk po gjen qetësi! Një tjetër tërmet ka rënë pak më parë i magnitudës 5.2 ballë i shkallës Rihter, por nga sa mësohet lëkundjet nuk kanë shkaktuar dëme në njerëz.
Fuqia e këtij tërmeti ka qenë e fortë për të shkaktuar dëme tek ndërtesat me konstrukt të dobët, por jo tek ato të siguruara mirë.
Tërmeti i radhës vjen vetëm pak ditë pasi ky shtet përjetoi së bashku me Turqinë, ‘tmerrin’ e 30 tetorit. Mediat greke shkruajnë se tërmeti me magnitudë 5.24 ka shkundur sërish vendin dhe është ndjerë në të gjithë Greqinë.
Këtë herë epiqendra ishte në zonat e Etoloakarnania, 20 km në Perëndim-Jugperëndim të Karpenisi, në Dytiki Frangista, me thellësi 10 km.
Vetëm, dy ditë më parë, Greqia dhe Turqia u tronditën nga një tërmet me magnitudë 6.6 gradë të shkallës rihet. Tërmeti, deri më tani ka lënë pas 79 viktima dhe mbi 960 të plagosur në Turqi. Kërkimet vijojnë ende. Ndërsa në Greqi, janë raportuar dy viktima, dhe 10 të plagosur, mes tyre një shqiptar.
/GazetaReforma.com/
