Numri i të infektuarve me Covid-19 në vendin tonë vijon të rritet çdo ditë e më shumë duke infektuar dhe punonjës të institucioneve shtetërore.
Kështu ditën e sotme një punonjëse e sportelit në Hipotekën e Beratit ka rezultuar pozitve me Covid-19. Kjo ka sjellë mbylljen e përkohëshme të Hipotekës pasi edhe punonjësit e tjerë i janë nënshtruar testit dhe po presin përgjigjen.
Punonjësja e infektuar kishte patur simpotmat e sëmundjes ndaj kishte kryer tampon i cili ka rezultuar pozitv dhe menjëherë është karantinuar në shtëpi.
Ndërkohë ka filluar procesi i dezinfektimit të ambienteve të hipotekës por mbyllja e saj ka sjellë rradhë të gjata dhe vonesa për qytetarët.
Ditën e djeshme Ministria e Shëndetësisë njoftoi se janë konfirmuar 299 raste të reja nga 1315 testime të kryera dhe kanë humbur jetën 4 persona.
