Dyshohet se autoritetet kanë fshehur vdekjen e një të moshuari nga Berati, i cili ka ndërruar jetë më 25 prill në një hotel në Durrës.
Abc News raporton se i moshuari kishte vite që kurohej në Itali nga tumori, por nuk ja doli dot të mbijetonte.
Ai është një nga të riatdhesuarit që, sipas rregullit, iu është dashur të karantinohej në hotelin e caktuar nga qeveria, ku edhe mbylli sytë.
75-vjeçari nga fshati Dushnik i Beratit kishte pasur disa shqetësime shëndetësore dhe në datën 25 prill i kishte telefonuar numrit 127, për të parë nga afër gjendjen shëndetësore.
Në këtë hotel është dërguar një ekip mjekësor që nuk e vlerësoi si rast të rëndë që duhej të transportohej për në spital, por të nesërmen ai humbi jetën dhe këtë të hënë u transportua në fshatin e tij.
