Amerika Qendrore dhe ajo Jugore po përballen me një pandemi të të pavaksinuarve, tndërsa shifrat e infektimeve vazhdojnë të rriten.
Organizata Shëndetësore Pan Amerikane (PAHO) paralajmëroi që vendet me norma të ulëta të inokulimit po shohin rritje të COVID-19 dhe përsëriti një thirrje për dhurime vaksinash.
“Ne përballemi me një pandemi të të pavaksinuarve dhe mënyra e vetme për ta ndaluar është zgjerimi i vaksinimit. Vaksinat janë kritike, edhe nëse asnjë vaksinë nuk është 100% efektive”, tha drejtoresha e PAHO Carissa Etienne në një konferencë javore.
Vetëm 15 përqind e njerëzve në Amerikën Latine dhe Karaibe janë vaksinuar plotësisht, duke shtuar se shifra nuk përfaqëson disa vende si Hondurasi dhe Haiti ende nuk kanë arritur as 1% vaksinim.
Etienne përsëriti një thirrje për vendet me doza të mjaftueshme për t’i shpërndarë ato sa më shpejt të jetë e mundur në vendet në nevojë.
“Ne qartë kemi nevojë për më shumë vaksina dhe na duhen tani. Në këtë kohë dhurimet e vaksinave janë me të vërtetë mënyra e vetme për shumë vende në rajonin tonë për të siguruar dozat që u nevojiten shpejt. Ju lutemi mos prisni derisa të keni doza të tepërta. Ju duhet të ndani nga ato që keni tani”, tha Etienne.
Ajo shtoi se në se në gjithë kontinentin janë raportuar 967,000 raste të reja dhe 22,000 vdekje javën e kaluar.
Rastet po përshpejtohen në pjesën më të madhe të Amerikës Qendrore dhe në ishujt më të vegjël të Karaibeve, ndërsa rastet dhe vdekjet po rriten me shpejtësi në Kubë dhe vatrat e nxehta vazhdojnë në rajonet amazoniane të Kolumbisë dhe Perusë.
