Sot kanë mbërritur në Itali 9,750 dozat e para të vaksinës anti- Covid të Pfizer-BioNTech. Gazeta Corriere della Sera ka publikuar edhe pamjet, ku fugoni me vaksinat është i shoqëruar nga forca policie. Sipas informacioneve, fugoni është drejtuar për në Institutin Spallanzani të Romës.
Do të jetë një grua, një infermiere, personi i parë që do të marrë vaksinën anti covid në Itali. Gjithçka është gati tashmë në Institutin Spallanzani në Romë, për fillimin e vaksinimit që është programuar të ndezë motorët më 27 dhjetor në të njëjtën kohë në të gjithë Evropën. Vaksinën do ta marrë edhe një operator sanitar, një kërkuese dhe dy mjekë në momentet e para. Do të jetë ushtria ajo që do të marrë në dorëzim vaksinat që do të vijnë nga fabrika e Pfizer në Belgjikë. Shpërndarja është planifikuar me urgjencë. Fillimisht vaksina do të ruhet në ambientet e Institutit Spallanzani dhe nën kujdesin e ushtrisë do të shpërndahet dhe administrohet në 21 qendra kombëtare. Ndërkohë, sipas një sondazhi të kryer së fundmi, në Itali, dy persona nga tre gjithsej, ose ndryshe 67 për qind e të anketuarve, thonë se do ta bëjnë vaksinën. Shifra rritet tek të moshuarit në mbi 84 për qind. Rezultatet, thonë zyrtarët – tregojnë një sjellje të përgjegjshme të italianëve. Sipas studimit, personat më të arsimuar janë më të hapur ndaj vaksinës.
Italia ka qenë një ndër vendet më të prekura nga pandemia, pasi çdo ditë raportohen shifra të larta të viktimave dhe të infektuarve me koronavirus.
/Gazetareforma.com/
