Një operacion masiv po zhvillohet në Pogradec, ku RENEA dhe forcat policore po synojnë goditjen e aktiviteteve kriminale si droga, armët dhe kapjen e personave të shpallur në kërkim.
Një nga objektivat kryesorë është Erjon Llapushi, banesa e të cilit është rrethuar dhe po i nënshtrohet një kontrolli të imtësishëm.
E kaluara kriminale e Erjon Llapushit
Llapushi është i njohur për një seri veprash penale:
• Në vitin 2021, tentativë për vrasjen e Gazment Kurmakut
Pas një konflikti në lokalin “Fish City”, Llapushi sulmoi kryekamarierin Kurmaku, duke e lënë në gjendje kome. Viktima ndërroi jetë disa ditë më vonë.
• Në vitin 2007, tentativë për vrasje
Në vitin 2007, Erjon Llapushi ka tentuar të vrasë me armë zjarri Andi Sukollarin. Por nuk është ndalur me aq, pasi pasi ka kryer dënimin, ka dalë nga burgu dhe ka plagosur rëndë Mariglen Topuzin.
• 2008, plagosje me dashje:
Plagosi rëndë Mariglen Topuzin në një lokal.
• 2019, shantazh për aksione:
Erjon Llapushi në bashkëpunim me Saimir Frahollin, përmes presionit dhe shantazhit mundën të merrnin 17 për qind të aksioneve të një kompanie private për transportin e udhëtarëve në linjat Pogradec-Korçë dhe Pogradec-Tiranë. Më pas, aksionet i shitën tek një person i tretë. Megjithatë të dy u arrestuan nga Policia e Pogradecit, e në vitin 2020 Llapushi ishte në burg. Edhe pse vepra për të cilën ishte prangosur dënohej deri në 8 vite.
• 2021, trafik njerëzish:
Në 29 maj të këtij viti, pra katër muaj para se të kryente krimin në Elbasan, Erjon Llapushi u arrestua sërish pasi po transportonte 24 emigrantë të paligjshëm drejt vendeve të BE-së.
Pavarësisht këtyre veprave, Llapushi ka shmangur dënime të rënda në disa raste dhe në vitin 2020 ishte objekt i Operacionit Forca e Ligjit, por nuk iu sekuestrua asnjë pasuri.
Policia pritet të publikojë një njoftim zyrtar lidhur me rezultatet e operacionit që vijon në Pogradec.
