Ashtu sikurse kishte premtuar, Kina ka ndihmuar Shqipërinë në këto ditë të vështira të përhapjes së koronavirusit, duke dhuruar teste për COVID-19.
Instituti i Shëndetit Publik, me anë të një statusi në Facebook ka bërë me dije lajmin, teksa falënderon Ambasadën kineze në Tiranë për këtë ndihmë ndaj vendit tonë.
“Instituti i Shëndetit Publik falënderon ambasadën kineze në Tiranë për mbështetjen që i bëri sot duke dhuruar teste për COVID-19. Kjo nuk është vetëm një ndihmë në këto momente të vështira, por edhe një gjest bujarie i një vendi të madh dhe me zemër akoma edhe më të madhe. Falenderime dhe mirënjohje pa fund qeverisë kineze për kujdesin e treguar ndaj popullit shqiptar!”, shkruan ISHP në “Facebook”.
https://www.facebook.com/permalink.php?story_fbid=2292929557667402&id=1403099393317094
Kujtojmë se OBSH ka bërë thirrje për testim masiv, teksa eksperienca e disa vendeve tregon se testimi në masë i popullsisë mund të frenojë virusin.
Ditën e sotme ka shkuar në 259 numri i të prekurve nga COVID-19 në Shqipëri, teksa gjatë 24 orëve të fundit janë kryer 152 teste, në mesin e të cilëve 16 kanë rezultuar pozitiv.
