Katërmbëdhjetë persona, përfshirë të paktën një fëmijë, janë vrarë dhe një fëmijë tjetër është plagosur rëndë si pasojë e rrëzimit të teleferikut në një mal pranë Liqenit Maggiore në Italinë Veriore.
Aksidenti ndodhi në një shërbim që transportonte pasagjerë nga qyteti turistik i Stresa deri në malin aty pranë Mottarone në rajonin e Piemonte.
Pesë shtetas izraelitë ishin midis të vdekurve, thotë ministria e jashtme e Izraelit. Shumica e viktimave vdiqën në vendin e rrëzimit, me numrin e të vdekurve duke u rritur vazhdimisht të dielën pasdite ndërsa rrënojat u kontrolluan.
Zyrtarët thanë se dy të mbijetuar, fëmijë të moshës rreth pesë dhe nëntë vjeç, u dërguan me helikopter në një spital në Torino, por fëmija i madh më vonë vdiq.
Fëmija më i ri – i cili është gjithashtu një shtetas izraelit – iu nënshtrua një operacioni dhe është në gjendje kritike.
“Ne jemi të shkatërruar,” i tha Marcella Severino, kryetare e Komunës së Stresa për transmetuesin RAI.
Shkaku i incidentit mbetet i paqartë, por raportet lokale sugjerojnë që kablli mund të jetë këputur. Kabina në tokë dhe më pas u rrokullis poshtë pjerrësisë përpara se të ndalohej nga pemët, tha Kryetari i Bashkisë Severino. Alpinistët në afërsi dëgjuan një fërshëllimë të lartë para aksidentit, shtoi ajo.
