Kur ka kaluar një dekadë nga lufta në Siri, shifrat e viktimave janë tronditëse me gati gjysmë milioni njerëz të vdekur, thuhej në një montiorim të luftës i publikuar të martën, në një numër të ri që përfshin 100,000 vdekje të konfirmuara kohët e fundit.
Observatori Sirian për të Drejtat e Njeriut me qendër në Britani tha se konflikti ka marrë 494,438 jetë që kur shpërtheu në vitin 2011 me shtypjen brutale të protestave anti-qeveritare. Regjistrimi i mëparshëm, i lëshuar nga Observatori në mars të këtij viti, ishte më shumë se 388,000 të vdekur.
Monitoruesi i luftës ka konfirmuar që nga 105,015 vdekje shtesë pas muajsh përpjekjesh për dokumentim të mbështetur nga rrjeti i tij i burimeve në terren.
“Shumica dërrmuese e këtyre vdekjeve ndodhën midis fundit të 2012 dhe nëntorit 2015,” i tha AFP kreu i Observatorit Rami Abdel Rahman, duke iu referuar shtesave të fundit.
Nga fatalitetet e konfirmuara së fundmi, më shumë se 42,000 prej njerëzve që kanë humbur jetën janë civilë, shumica e tyre janë vrarë nën tortura në burgjet e regjimit sirian, sipas monitorit.
Abdel Rahman tha se një qetësi në luftime i lejoi organizatës së tij të hetojë raportet e vdekjeve që nuk ishin përfshirë në llogarinë e përgjithshme për mungesë të dokumentacionit.
