Pas tre muajsh izolimi e mësimi online nga shtëpia, gjimnazet në vendin tonë kanë hapur dyert mëngjesin e sotëm për rreth 31 mijë maturantë.
Ky izolim ndodhi për shkak të situatës së shkaktuar nga pandemia Covid-19.
Ministria e Arsimit ka njoftuar se janë rreth 500 gjimnaze që sot hapin dyert për 31 mijë maturantë.
Sipas udhëzimit të ministrisë, maturantët do të zhvillojnë mësim për tre javë rresht, për të gjitha konsultimet e duhura përpara provimeve të Maturës Shtetërore.
Shkollat janë të përgatitura me sinjalistikën e duhur, dezinfektues, postera informuese dhe garantimin e distancës së tavolinave.
