Më 20 prill, një grup prej 60 infermierësh shqiptarë iu bashkua grupit me rreth 30 mjekë dhe infermierë të nisur në datën 28 mars, ku shprehën dëshirën për të ndihmuar Italinë në këto kohë të vështira pandemie.
Së fundmi, ata kanë nisur punën dhe ndodhen në vijën e pare të luftës në Marche.
Në një postim në Facebook, ministrja e Shëndetësisë, Ogerta Manastirliu ka publikuar fotot e infermierëve dhe shkruan se të 60, kanë nisur punën tashmë, në ndihmë të Italisë mike.
“Nisin punën 60 infermierët e grupit të dytë të ekipit shqiptar, të cilët po ndihmojnë Italinë mike në këto ditë të vëshitara, në zonat ku ka më shumë nevojë për përballimin e situatës së shkaktuar nga #COVID19 Infermierët tanë po shërbejnë në Marche, në disa spitale ku trajtohen pacientët e prekur nga koronavirusi, krah kolegëve italianë,”- shkruan Manastirliu krah fotove, ku infermierët shihen që kanë kryqëzuar duart në simbolin e shqiponjës.
https://www.facebook.com/168952600227465/posts/936766250112759/
