Në datë 15 Mars në Shqipëri do të vijnë edhe 8 000 doza vaksinash nga Pfizer. Lajmin e bëri me dije ministrja e Shëndetësisë Ogerta Manastirliu.
Ditën e sotme ka nisur vaksinimi për të moshuarit mbi 90 vjeç në Lezhë. Manastirliu deklaroi se në dy javët e para të Marsit pritet edhe dërgesa e parë me vaksinat AstraZeneca nga mekanizmi COVAX.
“Kemi arritur 15 mijë vaksinime, 12 mijë janë personel shëndetësor. Bëjmë çdo ditë të paktën 1000 vaksinime dhe besoj se do të bëjmë akoma më shumë me ardhjen e vaksinave nga Pfizer. Me datë 15 Mars vijnë rreth 800o vaksina nga Pfizer”, tha Manastirliu.
I pranishëm në Lezhë ishte dhe kyreministri Edi Rama, i cili tha se me ardhjen e vaksinave Astrazeneca, do të nisë vaksinimi i mësuesve.
Kujtojmë se deri më tani janë vaksinuar vetëm 15 mijë persona, një përqindje mjaft e vogël. Sipas planit kombëtar të vaksinimit të paraqitur nga qeveria, fillimisht do vaksinoheshin të gjithë mjekët dhe infermierët e më ps do të vijohej me targetgrupet e tjera.
Por deri më tani një numër i vogël i bluzave të bardha kanë arritur të marrin dozën e parë të vaksinave.
Më tej do të vijohej me të moshuarit dhe mësuesit, por edhe në këto dy kategori janë shfaqur mjaft probleme, pasi tek të moshuarit, veç atyre personalitete, një dallim i fundit u bë për ata që janë mbi 90 vjeç. Sa i përket kategorisë së mësuesve, pritet të fillojë sëshpjeti.
