Ditën e sotme, në sheshin “Skënderbej” në kryeqytet, nis procesi i vaksinimit masiv me vaksinën kineze, duke filluar me të moshuarit mbi 70 vjeç, të cilët janë lajmëruar nga qendrat shëndetësore sipas rendit alfabetik.
Në hapësirën e sheshit “Skënderbej”, nisën mbrëmjen e së shtunës përgatitjet për ngritjen tendave, që do të shërbejnë si qendra vaksinimi. Procesin përgatitor e ndoqi nga afër ministrja e Shëndetësisë, Ogerta Manastirliu. Kjo e fundit tha se ditën e nesërme, në të gjithë territorin e vendit, qytetarëve do t’u injektohet vaksina kineze “Sinovac”.
Gjithashtu, Manastirliu shpjegoi të gjitha hapat që duhet të ndjekin qytetarët për t’u vaksinuar. Sipas ministres së Shëndetësisë, sot në të gjithë territorin e vendit, qytetarëve do t’u injektohet vaksina kineze “Sinovac”. Manastirliu shpjegoi hapat që duhet të ndjekin qytetarët për t’u vaksinuar.
Përveç Manastiriliut, edhe kryeministri Rama theksoi ditën e djeshme se 500 mijë shqiptarë do të vaksinohen deri në muajin qershor, ndërsa brenda 14 muajve të ardhshëm, është projektuar vaksinimi i plotë i popullsisë në vend.
Pandemia e krijuar nga “Covid-19”, prej më shumë se 1 viti ka pushtuar vendet e botës, por me krijimin e disa vaksinave dhe me prodhimin masiv të tyre, duket se gjithçka do të lihet pas. Gjithashtu, Rama premtoi se në verë, do të rikthehet dhe jeta normale për qytetarët.
